Комисијата за одлучување по прекршок при Комисијата за заштита на конкуренцијата ја информира јавноста дека, во рамки на анализата на условите и режимот за користење на зоната „Hug & Fly“ на Меѓународниот Аеродром Скопје, од ТАВ Македонија беа побарани дополнителни појаснувања и релевантни податоци во врска со воведеното ограничување на бесплатниот пристап.

По доставеното барање, ТАВ Македонија ја извести Комисијата дека ја повлече одлуката со која бесплатниот пристап на едно возило беше ограничен на еден влез во период од 24 часа.

Комисијата ја поздравува одлуката на ТАВ Македонија за повлекување на мерката и ќе продолжи да ја следи состојбата и условите за пристап до аеродромската инфраструктура, особено од аспект на обезбедување еднакви и недискриминаторски услови за сите учесници на пазарот.

Комисијата останува посветена на заштитата на конкуренцијата и ќе продолжи да постапува во рамки на своите законски надлежности секогаш кога постои можност одредени услови или мерки да имаат влијание врз конкуренцијата и интересите на граѓаните.

Комисијата за одлучување по прекршок при Комисијата за заштита на конкуренцијата ја информира јавноста дека врши анализа на новововедениот режим за користење на зоната „Hug & Fly“ на Меѓународниот Аеродром Скопје, со кој бесплатниот престој до 10 минути е ограничен на еден влез со исто возило во период од 24 часа.